30.6.2009 | 08:44
Fróðleikspistill :)
Hlauparar lifa lengur og eru sprækari í ellinni :)
Rannsókn sem staðið hefur í 21 ár og framkvæmd er af James Fires við Standford Háskólann hefur sýnt fram á að hlauparar eru 38% heilbrigðari en meðal- Jón. Rannsóknin nær til 284 hlaupara og 156 manns sem eru í samanburðarhópi. Til þess að mæla heilbrigðið var miðað við staðlaðan spurningarlista sem metur heilsu og hreyfigetu. Við lok rannsóknarinnar höfðu 34% einstaklinga í samanburðarhópnum látist en einungis 15% hlaupara. Rannsóknin hófst á áttunda áratugnum þegar skokk var að komast í tísku. Á þeim árum voru margir heilsufræðingar sannfærðir um að hlauparar myndu þurfa að kljást við ýmis bæklunar - eða stoðkerfisvandamál síðar á lífsleiðinn. Rannsókn sýnir hins vegar fram á þveröfugt. Bæði hlauparar og ekki- hlauparar verða með aldrinum hreyfihamlaðir á einhvern máta, en hlauparar mun seinna en hinir. Þegar á heildina var litið varðveittu hlauparar hreyfigetu sína 16 árum lengur en samanburðarhópurinn. Sama rannsókn sýndi sömuleiðis fram á að gigtartíðni jókst ekki meðal þeirra hlaupara sem hlupu reglulega í 20 ár eða lengur. Þessi langtímarannsókn sýnir svo sannarlega að þolæfingar eru hinn eini sanni æskubrunnur.
(úrdráttur úr Internal Medicine, 168:1638-1646, 2008; American Journal Preventive Medicine vefútgáfa 11. júní 2008 - Grein birt í Fitnessfréttum)
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.