Vikan 22. júní -28. júní

Hæ hæ lesendur góðir, þar sem seinasta vika fór aðeins fyrir ofan garð og neðan þá er hlaupaáætlun þessarar viku mjög svipuð seinustu viku.  Endilega að láta sjá sig byrjendur sem lengra komnir. Hittingur hjá Hressó 17:30 þriðjudaga og fimmtudaga. 9:30 Laugardaga.

Margir hugsa eflaust með sér að þeir þori ekki að mæta eða almennt fara út að hlaupa því þeir séu svo asnalegir, hlaupi of hægt, rassinn of stór, bílarnir sem keyri fram hjá stara á mann og svo má lengi halda áfram. Þessar hugsanir hafa oft leitað á mig sjálfa en ég ákvað að hætta svona niðurbrotshugsunum og stappa í mig stálinu. Því ég hleyp fyrir sjálfa mig og engan annan þeir sem stara á mig hlaupa og finnst ég hlaupa of hægt eða asnalega eru a.m.k ekki að hlaupa, því finnst mér ég vera sigurvegari:)

Enga feimni gott fólk reima bara á sig skóna og hafa gaman af hver á sínum hraða.

Hópur 1 - Byrjendur

Sami hringur alla daga út Strandveg upp Kirkjuveg niður Illugagötu og Hlíðarveg- áfram Strandveg að Hressó. ( um 2,7 km)

Rösk ganga í 5 mín, skokka svo í 1 mín og labba í 90 sek.

Ef þið eruð í stuði þá er hægt að lengja hringinn með því að fara fram hjá Kirkjugerði og Hraunbúðum inn Foldahraunið og framhjá 11-11, meðfram golfvellinum og síðan niður í Hressó (4 km)

Hópur 2

Þriðjudagur: Bæjarhringur + Goðahraunið.  Út Strandveg upp Kirkjuveg fram hjá Kirkjugerði og Hraunbúðum inn Foldahraunið og framhjá 11-11, meðfram golfvellinum og síðan niður í Hressó (4 km)

Fimmtudagur: (Steinstaðarhringur), út Strandveg - upp Hlíðarveg - Dalvegur - Steinstaðir - Höfðavegur og Illugagata 5 km

Laugardagur: Út Strandveg upp hraunið, hlaupa að Flakkaranum og upp aftur (750 metrar)- krókur í átt að Urðavita (að biðskyldu hjá Gaujulundi 1 km), fram hjá Lukku og niður Illugagötu - Hlíðarveg- Strandveg - Hressó um 6,5 km

Hópur 3

Þriðjudagur: Út Strandveg upp hraunið, hlaupa að Flakkaranum og upp aftur - krókur í átt að Urðavita (að biðskyldu hjá Gaujulundi), fram hjá Lukku og niður Illugagötu - Hlíðarveg- Strandveg - Hressó um 6,5 km

Fimmtudagur: (Steinstaðir-  bærinn- Eiðið) Út Strandveg- Kirkjuveg - upp Höfðaveg - Steinstaðir - Dalvegur - Hliðarvegur - Strandvegur Eiðið -Hressó  um 8,5 km

Laugardagur: (Steinstaðir-  bærinn- Eiðið) Út Strandveg- Kirkjuveg - upp Höfðaveg - Steinstaðir - niður í Klauf -Dalvegur - Hliðarvegur - Strandvegur  -Hressó 11,5 km

Kv Ása og Minna

Athugasemdir

[Eva Margrét Einarsdóttir, 25.6.2009 kl. 21:33]

Þetta er flott framtak hjá ykkur og ég er ekki í vafa um að það verði kominn myndarlegur hlaupahópur í Eyjum áður en langt um líður.  Eins og með allt sem er einhvers virði þá þarf vinnu, úthald og ekki verra að hafa ástríðu fyrir því sem maður er að gera.  Það er fátt sem gefur manni meira en að láta vaða í eitthvað sem maður hálfpartinn þorir ekki..., maður kemur sjálfum sér alltaf á óvart.  Þið eruð sannarlega sigurvegarar!  Hlakka til að koma og hlaupa með ykkur við fyrsta tækifæri .