Nýtt ár - ný markmið :)

Í byrjun árs er upplagt tækifæri að setja sér ný markmið. Að hlaupa er mjög góð hreyfing bæði andlega og líkamlega.  Í hlaupum felst mikill bruni og fita hverfur fljótt, við hlaup losnar einnig  svo mikið endorfín að enginn leiðinlegur getur stundað hlaup :)  Sagt er að ef maður heldur út hlaupin í sex vikur þá verður maður forfallinn - spurning um að láta á það reyna :)

Mjög gaman er að sameina hreyfingu og sumarfrí og eru ótóal mörg hlaup sem hægt er að taka þátt í á Íslandi ár hvert hvetjum við lesendur til að kynna sér möguleikana í því. (sjá nánari dagskrá  á hlaup.is)

Nú ætlum við að fara að setja aftur inn hlaupaplön til að æfa eftir bæði fyrir byrjendur sem lengra komna. Hugmyndin er að reyna að fara af stað með hlaupahóp sem hleypur úti 1 x í viku yfir vetrartímann (frá íþróttahúsinu eða Hressó) en svo myndi það aukast með vorinu. Það væri gaman að fá comment hverjir hafa áhuga á því að vera með og hvaða tímasetning væri heppilegust.

Við tókum hlaupaprógrammið sem við munum setja hérna inn úr nýjasta Runners World blaðinu og breyttum yfir í km og fundum leiðir sem henta því. Það prógramm byggir á því að æfa í 3 vikur ákveðinn fjölda km og svo 1 viku færri kmp. Prógrammið nær yfir 11 mánaða tímabil og gengið er út frá því að enda með maraþoni. Það er þó að sjálfsögðu ekki nauðsynlegt markmið til að hlaupa eftir þessu prógrammi þetta er vaxandi prógramm sem bætir við þann styrk sem við æfum í hverjum mánuði mismunandi er eftir mánuðum hvort lögð sé áhersla á vegalengd, hraða eða brekkur.

Vika 1 - lengra komnir

a)      Sprettir 2 km róleg upphitun, 10 x 150 metrar sprettir 150 metrar róelgt á milli, 1,5 km  á góðum hraða í lokin (6,5)

b)      Brekkur á bretti 7 km eða hlaupa bæjarhring með steinstöðum

c)       Rólegt tempó 10 km á bretti með 1 í  halla / Bæjarhringur, Steinstaðir, fellið sorpa

d)      Tempó 7 km á bretti  1% í halla/Steinstaðir og bæjarhringurinn reyna að halda sama tempói

e)      Rólegt 5 km/Steinstaðarhringurinn

Vika 1 byrjendur

Bæði er hægt að vera á bretti með 1% halla eða t.d fara bæjarhringinn - Hlíðarvegur, Strandgata- Kirkjuvegur

3 x Rösk ganga í 5 mínútur. Síðan 60 sekúndur af skokki og 90 sekúndur af göngu til skiptis í 20 mínútur.

Planið er að fyrsti hittingur verði næstkomandi laugardag hjá Íþróttahúsinu kl 11 vonandi sjáum við sem flesta :)

Ása og Minna